Familjan er sannførd um, at Sissal fer at koma langt

Í kvøld skal Sissal syngja fyri fleiri milliónum áskoðarum í St. Jakobshalle og kring heimin.

Í løtuni eru áskoðarar longu ávegis í høllina fyri at tryggja sær ein góðan sess, áðrenn tann stóra tónleikaveitslan av álvara byrjar.

Eisini í Føroyum fylgja fólk spent við. Nógvir føroyingar hava sett seg væl til rættis framman fyri sjónvarpsskíggjanum, tá Kringvarpið sendir beinleiðis frá Eurovision í Basel.

Og fyri tey, sum ynskja at uppliva løtuna saman við øðrum, verður eisini víst á stórskýggja í Vágsbotni.