G! er bara nakrir hippar úr Havn sum sita á sandinum og drekka øl

Tað vóru ikki øll, ið trúðu uppá, at tað bar til at skipa fyri einum uttandura tónleikafestivali yvir fleiri dagar í Føroyum, tá ung fólk í Gøtu tóku stig til G!

Hetta greiðir Jón Tyril, G!-stovnari, frá í KVF-dokumentarinum "Millum himmal og helviti" frá 2017. 

"Vit tosaðu um at fáa 5000 fólk á Gøtusand, men onkur helt, at tað var púra vitleyst. Tað fór ongantíð at henda, tí G! var bara nakrir hippar úr Havn, ið sótu á sandinum og drukku øl, sum onkur málbar seg."

Bomfunk MC's G! 2003

Bomfunk MC's á pallinum á Sandinum í Syðrugøtu í 2003. Konsertin er legendarisk í G!-høpi (Mynd: Úr dokumentarinum "Millum himmal og helviti" frá 2017)

Júst tí var konsertin í 2003 við finsku Bomfunk MC's í 2003 ein markasteinur í G! søguni, tí hon staðfesti, at tað bar til hava ein altjóða festival í Føroyum, ásannar Jón Tyril. 

"Tann løtan, tá Bomfunk MC's spældi á Sandinum, tá sóu vit úrslitið av tí, sum vit høvdu droymt um. Har var ein stórur útlendskur bólkur, ið spældi, og túsundvís av fólki, sum vóru komin at lurta."

Bomfunk MC's G! 2003

SÍ EISINI: "Millum himmal og helviti", KVF-dokumentarur frá 2017