- Tíðindi, mentan og ítróttur
Alex og Tórur skutu best
Alex Johannesen úr Eysturskoti var bestur, tá kappast var um FM í OL-trap um vikuskiftið.
Kappingin var spennandi, og skjúttarnir skiftust um at vera fremstir, til bert Alex Johannesen og Finn Ludvig úr Veiðifelagnum Byrsumúla vóru eftir.
Endin var, at maðurin úr Eysturskoti vann sítt fyrsta meistaraheiti í OL-trap síðan 2022. Johnhard Klettheyggj endaði á 3. plássi, frammanfyri meistaran frá í fjør, Esmar Joensen, sum mátti taka til takkar við 4. plássi í ár.
Tórur Fløtt saknaði Marius Joensen
FM-vinnarin í fjør Marius Joensen skeyt ikki í FM-kappingini í ár, og tí var liðfelagin úr Sunda Byrsufelag Tórur Fløtt stórfavorittur í OL-skeet.
Tað livdi hann væl og virðiliga upp til á Sandvíkum og vann heili 10 dúgvur frammanfyri Pól Jóhannus Smith Jensen á 2. plássi, meðan Leivur Joensen endaði nummar trý.
