Elias og hinir fjeppararnir trúgva upp á ein føroyskan sigur á Serbia

Fantastisku føroysku fjeppararnir hava gott mót til dystin móti Serbia. 

Hóast fjeppararnir ásanna, at teir eru slitnir, og at tað verður tyngri og tyngri at vinda seg upp til dystirnar, so skulu kvinnurnar ikki ivast í, at fjeppararnir eru klárir at stuðla teimum. 

Millum fjeppararnar er eisini Elias Ellefsen á Skipagøtu, stóra stjørnan í THW Kiel. 

"Vit koyrdu niður her í gjárkvøldið, og vit gleða okkum nógv. Kvinnurnar hava verið raskar, og eg vænti, at tær fara at spæla ein góðan dyst."

Elias harmast um, at hann ikki hevur kunnað verið og stuðla kvinnunum til allar dystirnar. Sjálvur hevur Elias spælt evropiskan hondbólt.