Ársins fyrsti føroyingur er suðuroyingur

Eftir nøkur ár við niðurgongd verða nú aftur fleiri børn fødd í Føroyum. 

Farna árið eru 629 børn fødd í Føroyum.

Tað er ein rímuliga stór framgongd í mun til undanfarnu árini, har 2023 var metlágt við bara 574 nýføðingum. 

Men enn er tó nakað upp til burðartalið, sum frá 2018 til 2021 lá um 685 - sum árini eftir aldarskiftið lá beint omanfyri 700, og sum afturi í metárinum 1990, tá 947 børn vórðu fødd í Føroyum.

Vónandi heldur góða gongdin við fleiri nýføðingum fram, sigur Hildigunn Steinhólm Højgaard, ljósmóðir.

Fyrsti føroyingur í ár er vágbingur

Fyrsti føroyingurin sum var føddur í ár, var føddur í gjárkvøldið.

Tað var ein drongur.

Foreldrini eru Guðrið Patursson Eiriksfoss og Øssur Debes Eiriksfoss. Tey búgva í Vági.