Atlantic Airways byrjar New York-flúgving í vár

Tað váttar Johanna á Bergi, stjóri í Atlantic Airways, fyri miðlinum Forbes.

Tað hevur verið tosað um, at Atlantsflog skal flúgva til amerikanska stórbýin, men enn hevur Atlantsflog ikki sagt nær flúgvingin byrjar, ella um endaligu loyvini eru fingin til vega.

– Hetta eru stórtíðindi fyri okkum, sigur Johanna á Bergi við forbes.com.

Flúgvingin millum Føroyar og New York er møgulig nú fyri fyrstu ferð, tí nú hevur Atlantsflog flogfør í flotanum, sum megna at flúgva langa teinin beinleiðis.

Forbes skrivar, at hóast áhugin fyri Føroyum er vaksandi, so fer tað helst at hava stóra ávirkan á ferðavinnuna í Føroyum, tá ið fólk í New York fara at síggja lýsingar fyri beinleiðis flogferðum til Føroya, og helst kann tað lata upp fyri, at alsamt fleiri fólk fara at velja Føroyar til sum ferðafólkaland.