Leggja saudiarabarar undir drápið

Turkaland skuldsetur 20 saudiarabarar fyri at hava dripið journalistin og andstøðingin, Jamal Khashoggi. 

Khashoggi varð lokkaður inn á saudiarabiska konsulátið í Istanbul, har ein saudiarbiskur bólkur drap hann í oktober 2018.

Saudiarabia sigur, at teir seku eru revsaðir, men turkiska ákæruvaldið hevur nú skuldsett 20 menn, sum eru undir illgruna fyri at hava verið við til at fremja drápið.

Ein av teimum skuldsettu er næstformaðurin fyri fregnartænastuna í Saudiarabia, Ahmed al-Assiri, og samskiftisstjórin hjá saudiarabisku kongshúskinumi, Saud al-Qahtani. Teir eru skuldsettir fyri at hava staðið á odda fyri atsóknini.

Niðurstøðan hjá amerikonsku fregnartænastuni er, at tað var Mohammed bin Salman, krúnprinsur, sum gav boð um at drepa Khashoggi. 

Hesum hevur hann víst aftur, men hann hevur samstundis tikið flutta ábyrgd av drápinum.