Vøksturin í lønargjaldingum steðgaður

Minni varð goldið í lønum í mai í ár enn í mai í fjør.

Talan er um 25 mió. kr. minni í ár, sløk trý prosent.

Tað er kanska ikki so nógv, men undanfarin ár hevur verið vøkstur í lønargjaldingunum, men tann vøksturin er steðgaður.

Eins og í apríl sæst afturgongdin í mai serliga í privatu tænastuvinnunum. 

Við í tølunum, sum Hagstovan kunnger í dag, eru ikki lønarískoyti frá arbeiðsloysisskipani, B-skattskyldugar inntøkur, samsýningar, arbeiðsloysisstuðul og útgjøld, so sum veitingar og eftirlønir, við.