ST-felagsskapur fær friðarheiðurslønina í ár

ST-matvørufelagsskapurin, WFP, fær Nobel-friðarheiðurslønina í ár.

Tað kunngjørdi forkvinnan í Nobel-nevndini, Berit Reiss-Andersen, fyrrapartin.

WFP er felagsskapur undir ST, sum varð stovnaður í 1963. Hann er heimsins størsti hjálparfelagsskapur.

Felagsskapurin fær friðarheiðurslønina fyri stríð sítt ímóti hungri, og fyri at stuðla upp undir friðarligar loysnir í økjum. har ófriður valdar.

- Sambandið millum hungur og kríggj er ein ónd ringrás, tí hungur verður ofta verður nýtt sum vápn í ósemjum, segði Berit Reiss-Andersen, tá hon kunngjørdi, hvør fær friðarheiðurslønina í ár.

Nobel-nevndin fekk tilsamans 318 uppskot, 211 fólk og 107 felagsskapir.