Sleppa ætlanini um politilóg í Fraklandi

Franskir myndugleikar hava slept ætlanini um at seta umstríddu politilógina í verk. Lógin skerjir rættin hjá fólki at filma løgreglufólk í tænastu. 

Tað skrivar Reuters.

- Lógin verður fullkomiliga broytt, og nýggj útgáva verður í staðin sett í verk, sigur formaðurin í LaRem-flokkinum, Christophe Castaner.

Fleiri túsund fraklendingar hava gingið mótmælisgongu í gøtunum fyri at vísa sína ónøgd við lógaruppskotið.

Leygardagin vóru fleiri túsund mótmælisfólk í gøtunum í París og mótmæltu, og løgreglan skal hava nýtt vatnkanónir og táragass móti mótmælisfólkunum, skrivar Reuters.

Stórar mótmælisgongur hava eisini verið í øðrum fronskum býum, eitt nú Strasbourg og Lille.