Skuldsett kvinna bíðar eftir úrskurði

Kvinnan, sum er skuldsett fyri at stinga sambúgva sín nýggjársnátt, bíðar nú eftir úrskurði frá Eystari landrætti. Føroya rættur avgjørdi í gjár at lata kvinnuna leysa.

Men ákæruvaldið sendi tann úrskurðin til landsrættin. Ákæruvaldið vil hava kvinnuna varðhaldsfongslaða í tvær vikur afturat, meðan kanningarnar verða gjørdar lidnar.

Fólkini búgva í Vágum. Kvinnan, sum er 35 ára gomul, er skuldsett fyri at stinga mannin nakrar ferðir um allan kroppin. Hann var tó ikki í lívsvanda. Kvinnan er skuldsett fyri drápsroynd, ella, í øðrum lagi, fyri grovan harðskap.