Keilir í Íslandi kann fara at goysa um fáar tímar

2.500 jarðskjálvtar vórðu mátaðir í gjár, og skjálvar eru eisini í morgun, teir eru millum trý og fýra í styrki. Her er tvær beinleiðis stroymingar frá økinum, har vandi er fyri eldgosi. 

Á tíðindafundi seinnapartin í gjár boðaði Almannaverndin frá, at Keilir, sum er miðskeiðis á Reykjanesi, væntandi fer at goysa skjótt, kanska innan fáar tímar. 

Íslendska umhvørvisstovan hevur sett upp mátiútgerð, sum skal máta nøgdirnar av svávul-dioxid. Tað verður gjørt sum fyrivarni, um tað fer at goysa, tí tá kann gassdálking verða stór.

Keilir hevur ikki goyst í 800 ár, skrivar íslendska kringvarpið.