Fleiri harðskapstilburðir um vikuskiftið

Tríggjar hendingar hava um vikuskiftið verið við harðskapi, har áfast hevur verið millum fólk, og tey í fyllskapi eru farin til hendurs í náttarlívinum.

Í øðrum førum fekk løgreglan skilt fólk sundur og tosað tey so frægt til sættis, at tað ikki endaði við harðskapi, sigur vaktleiðarin á Politistøðini í Havn.

Tað er ikki bara í Havn, at nógv fólk hevur verið í býnum um vikuskiftið, sigur vaktleiðarin. Eisini í Klaksvík og Suðuroy hava nógv fólk verið í býnum.