StÍF er føroyameistari fyri fyrstu ferð

StÍF er føroyameistari fyri fyrstu ferð
Við stórsigri í fullsettu høllini á Skála í fjórðu FM-finaluni tryggjaðu kvinnurnar hjá StÍF sær sítt fyrsta føroyameistaraheiti
Kvinnurnar hjá StÍF hava funnið sítt fyrsta føroyameistaraheiti
 
21.04.2021 - 18:42

Kvinnurnar hjá StÍF vunnu trygt í fjórðu FM-finaluni ímóti Neistanum og kundu saman við stóru áskoðarafjøldini í høllini á Skála fegnast um sítt fyrsta føroyameistaraheiti.

Skála vann FM-heitið í 1991 og 1993, áðrenn kvinnuhondbólturin á vestara armi á Skálafjørðinum varð savnaður í StÍF, og nú er enn ein glæsiligur kapittul skrivaður í søguni hjá felagnum.

Jøvn byrjan

Stóra áskoðarafjøldin var annars vitni til eina javna byrjan, og liðini bæði fylgdust fyrru helvt av fyrra hálvleiki. Eftir tað fór StÍF frá útiliðnum.

Eins og í undanfarnu finalunum fekk StÍF fleiri kontramál, eftir at Momoko Nakamura ferð eftir ferð var neyv við køstunum.

Munurin vaks í seinna hálvleiki

Neistin royndi at minka um munin í seinna hálvleiki, men í staðin vaks hann so líðandi, og bæði á vøllinum og millum viðhaldsfólkini gjørdist alsamt greiðari, at tað bara var ein spurningur um tíð, áðrenn føroyameistaraheitið var vunnið.

Og tá japanski stórspælarin, Haruka Gima, hóskandi skeyt síðsta málið í dystinum upp á brotskast, var StÍF FM-vinnari, og høllin á Skála var lík einum reyðum og hvítum gleðishavi.

StÍF-Neistin (ítróttarhøllin á Skála)
30-20 (16-11)

Er kopiera
Nýggjastu sendingar í ÚV
Sunnudag 28. apríl
Bolero - Frantz Schubert
174280
Sunnudag 28. apríl
Ein deutsches Requiem
174269
Leygardag 27. apríl
Tá Grønland bjargaði Føroyum (3:6)
174268
Nýggjastu sendingar í SV
Sunnudag 28. apríl
Andakt við Jóhan Peturi Johannesen
174283
Sunnudag 28. apríl
Guðstænasta úr Fuglafjarða kirkju
174281
Leygardag 27. apríl
Sement 2024: Finalan (3:3)
174270
Fríggjadag 26. apríl
Andakt við Róland í skorini
174236
Hósdag 25. apríl
Closed for Maintenance - á fimta sinni
174178