ES og Bretland gjørt avtalu um fiskivinnu

ES og Bretland hava gjørt sína fyrstu avtalu um fiskivinnu eftir brexit. Tað upplýsir danska ráðið fyri matvørur, landbúnað og fiskivinnu, sambært DR.

Einki verður nevnt um, hvat avtalan fevnir um, tí fiskimálaráðharrarnir í ES-londunum skulu fyrst góðkenna avtaluna.

Upplýst verður, at avtalan fevnir um fleiri fiskasløg í Norðsjónum, sum hava týdning fyri donsku fiskivinnuna.

Við avtaluni verður greitt, hvat og hvussu nógv danskir fiskimenn kunnu fiska í bretskum sjógvi í ár.

Føroyar og Bretland hava onga avtalu um sínámillum fiskiskap í ár. Avtalað er, at londini í heyst aftur fara at tosa um eina fiskirættindaavtalu fyri 2022.