- Tíðindi, mentan og ítróttur
Hondbóltskvinnurnar skulu spæla javnt ella vinna
Hondbóltskvinnurnar skulu spæla javnt ella vinna
Føroyska landsliðið skal bara ikki tapa fyri Ísrael í høllini á Hálsi í dag. Um tær spæla javnt ella vinna, er plássið í undankappingini veruleiki
Dragan Brljevic og landsliðið skal bara hava stig í dag fyri at tryggjað sær pláss í undankappingini
06.06.2021 - 14:37
Føroyska hondbóltslandsliðið við kvinnum er í góðari støðu undan dystinum ímóti Ísrael í undan-undankappingini í høllini Hálsi í dag.
Ein sigur ella ein javnleikur gevur nevniliga pláss í bólki B í undankappingini saman við millum annað Danmark. Vinnur Ísrael hava øll trý liðini ein sigur í part, men tá hevur í hvussu er Finnland betur málúrtøku enn Føroyar.
Føroyar vunnu fríggjadagin við tveimum málum ímóti finnum, men í gjár vann Finnland 28-24 móti Ísrael. Tí kann man av røttum meta Føroyar at vera favoritt í dag.
Kringvarpið sendir dystin beinleiðis í sjónvarpinum frá klokkan 15:55.
Er kopiera
Nýggjastu sendingar í ÚV
Nýggjastu sendingar í SV
