Aftur harðskapur í býnum í nátt

Grovur harðskapur varð framdur á einum dansistaði í Havn í nátt. Talan var um tveir mans, sum fóru til hendurs. Tað sigur vakthavandi á politistøðini.

Løgreglan er ikki liðug at kanna málið.

Maðurin, sum harðskapurin gekk útyvir var sendur á Landssjúkrahúsið til viðgerð, men er sloppin heim aftur. 

Tann, ið framdi harðskapin er avhoyrdur, men ikki varðhaldsfongslaður. Løgreglan fer at avhoyra fleiri vitni, áðrenn málið fer víðari í rættin.

Nógv full fólk

Í miðbýnum í nátt hava nógv full fólk verið, sum politiið hevur tikið sær av. 

Nøkur av teimum eru skuldsett fyri brot á skilhaldsreglur. 

Tvey fólk máttu sova rúsin av sær í varðhaldinum á politistøðini. 

Seinasta samdøgrið hevur annars verið friðarligt, sigur vakthavandi.