Skattafrádráttur fyri húsaleigu eigur at fella burtur um tvey ár

Føroya arbeiðsgevarafelag heldur, at skattafrádráttin fyri húsaleigu eigur ikki at vera verandi. 

Felagið sigur, at bústaðarútleiga eigur at vera vinnuligt virksemi.

Um skattafrádrátturin, 100.000 kr., fyri at leiga út hjá privatfólki, verður gjørdur varandi, so kann tað darva og seinka menningini, sum skal gera bústaðarútleigu til vinnuveg í Føroyum.

Tvey ár afturat

Bráðtørvurin á bústøðum er tó sera stórur í løtuni, og tí heldur Arbeiðsgevarafelagið, at tað hevði verið skilagott at longt skattafrítøkuna í tvey ár.  

Fíggjarmálaráðið ætlar at broyta skattalógina, so fólk framvegis kunnu langtíðarleiga bústaðir skattafrítt fyri 100.000 kr. 

Skattafrádrátturin hækkaði úr 50.000 kr. upp í 100.000 kr. í 2019.

Men tá varð eisini ásett, at frádrátturin skuldi niður aftur í 50.000 kr. í 2022.

Tað skal hann so ikki kortini sambært lógaruppskotinum, sum nú er gjørt.

Endamálið er at útvega fleiri bústaðir til langtíðarleigu til fólk, sum búgva í Føroyum, sigur Fíggjarmálaráðið.