Frískúlar skulu sleppa at virka undir somu fortreytum sum fólkaskúlin

Tvey uppskot um broyting í løgtingslóg um ávikavist frískúlar og eftirskúlar eru nú send til hoyringar.

Endamálið við uppskotinum um frískúlar er, at hesir í størri mun koma at virka undir somu fortreytum sum almenni fólkaskúlin, og at børn í frískúlum fáa stuðul til at ferðast í og úr skúla. 

Endamálið við uppskotinum um eftirskúlar er at broyta krøvini, ið ein eftirskúli skal lúka, áðrenn hann kann verða góðkendur av myndugleikunum.

Næmingagrundarlagið skal vera nøktandi

Royndirnar vísa, at tað er ógvuliga trupult, fyri ikki at siga ógjørligt, at hava eitt so høgt næmingatal, sum løgtingslógin ásetur longu 1. september árið frammanundan.

Verður uppskotið samtykt, verður tað upp til myndugleikan at meta um, hvørt næmingagrundarlagið er nøktandi, áðrenn myndugleikin endaliga góðkennir skúlan.

Hoyringsfreistin til bæði uppskotini er 8. februar.

skúlabørn, KT

Frítekst tagging: 

skúlabørn

Skúlabarn

Skúli

KT-heildarætlan

Eisini er uppskot um broyting í løgtingslóg um fólkaskúlan sent til hoyringar.

Endamálið við uppskotinum um fólkaskúlan er at útvega lógarheimild fyri, at allar kommunur virka fyri, at fólkaskúlarnir verða partur av KT-heildarætlanini og kunnu fullnýta møguleikarnar bæði við atliti at Skúlaneti og lestrarfyriskipanini, sum verða sett í verk fyri samlaða skúlaverkið.

Eisini her er hoyringsfreistin sett til 8. februar.