Svøríki evropameistari í hondbólti

Nógv stóð á svianum Niclas Ekberg, tá hann tók bóltin og gjørdi seg til reiðar at taka brotskastið, sum var síðsta kast í EM-finaluni. 

Tíðin var farin, og støðan var 26-26 í EM-finaluni millum Svøríki og Spania. 

Men brotskastsserfrøðingurin hjá Svøríki var tryggur, tá hann smekkaði bóltin í málið og tryggjaði svensku hondbóltsharrunum fyrsta gullið í 20 ár. 

Svøríki, EM, Hondbóltur

Talan var um eina sera spennandi finalu millum Svøríki og Spania, ið bylgjaði aftur og fram.

Ongantíð var nógv meir enn eitt ella tvey mál á muni, og alt stóð á einari knívsegg.

Bæði Svøríki og Spania høvdu væl spælandi málmenn.

Serliga Andreas Palicka, veteranurin í svenska málinum, ið tók pippið av spanska álopinum. 

Svøríki, EM, Hondbóltur

Munurin á liðunum var tó besti leikarin á vøllinum, og í kappingini, svenski spælskiparin Jim Gottfridsson. 

Og tá sviar vunnu bóltin, og fingu møguleikan at avgera dystin, so bað venjarin Gottfridsson um at avgera, hvussu tað skuldi spælast, tá sviar tóku timeout. 

Svøríki, EM, Hondbóltur

Boðini frá Gottfridsson vóru greið: Vit spæla spaniólar tunnar í teirra vinstru síðu, og so leypir tú á, Hannus Wanne. 

Og soleiðis bleiv tað, og so bleiv brotskast, og restin er nú søga. 

Svøríki, EM, Hondbóltur

Svøríki, EM, Hondbóltur