Niels Áki Mørk aftur danmarksmeistari

Niels Áki Mørk hevur um vikuskiftið vunnið sítt annað danska juniormeistaraheitið.

Hann vann í sínum egna vektflokki og eisini samanlagt í sinclair-stigum.

Havnamaðurin lyfti 89 kilo í trekk og 111 kilo upp um høvd í stoyt. Samanlagda vektin upp á 200 kilo sett upp ímóti kroppsvektini upp á 65,6 kilo gav Niels Áka Mørk 274 sinclair-stig.

Næsta kappingin hjá Niels Áka Mørk verður føroyameistaraheitið, sum verður í Havn næsta vikuskiftið.