- Tíðindi, mentan og ítróttur
Dótturfelag hjá Thor fiskar rossamakrel í Suðurkyrrahavinum
Dótturfelag hjá Thor fiskar rossamakrel í Suðurkyrrahavinum
Kvotan er latin Kili, men føroyingar fiska framvegis tey 10.000 tonsini, og undir nógv betri treytum enn fyrr
Skip hjá reiðarínum Thor fiska framvegis tey 10.000 tonsini av rossamakreli í Suðurkyrrahavinum.
03.04.2022 - 14:00
Tá Árni Skaale, landsstýrismaður í fiskivinnumálum, herfyri legði eina frágreiðing fram um lógina um sjófeingi, varð upplýst, at øll tann føroyska kvotan í Suðurkyrrahavinum nú varð latin Kili.
Talan var um góð 10.000 tons av rossamakreli. Í 2019 var kvotan annars býtt um við ES, so Føroyar í staðin fingu fleiri rættindi á Flemish Cap.
Men støðan er tann, at føroyingar framvegis fiska øll tey 10.000 tonsini í Suðurkyrrahavinum, og undir nógv betri treytum ennn fyrr.
Tað var reiðaríið Thor, sum fiskaði Føroyum rættindini fyri árum síðani, og tað er framvegis Thor sum fiskar í Suðurkyrrahavinum. Hans Andrias Kelduberg er stjóri í Thor:
1519262
Tað var í 2007 at føroyski fiskiskapurin byrjaði í Suðurkyrrahavinum við skipunum Hercules, Poseidon og Athenu. Hercules brann, og í 2010 komu Poseidon og Athena í føroyskan sjógv at fiska og taka ímóti makreli. Síðani tá hava eingi føroysk skip verið í Suðurkyrrahavinum.
Hans Andrias Kelduberg er stjóri í Thor.
Er kopiera
Nýggjastu sendingar í ÚV
Nýggjastu sendingar í SV
