Landsstýrið skal virka fyri størri javnstøðu á arbeiðsmarknaðinum

Uttanlandsnevndin hjá løgtinginum fer at biða løgtingið um at fáa landsstýrið at virka fyri javnstøðu á arbeiðsmarknaðinum.

Hetta er ein av tilráðingunum hjá Norðurlandaráðnum, sum Uttanlandsnevndin biður løgtingið samtykkja.

Norðurlandaráðið mælir stjórnunum í Norðurlondum til at at virka fyri størri javnstøðu á arbeiðsmarknaðinum.

Mælt verður eisini til at virka fyri fullari arbeiðstíð og at gera eina norðurlendska váttan um somu løn hjá monnum og kvinnum.

Norðurlandaráðið mælir eisini til, at útbúgvingar, sum serliga annað kynið leggur seg eftir, ikki ávirka arbeiðsmarknaðin so nógv.

Uttanlandsnevndin hevur latið løgtinginum álitið, men løgtingið hevur ikki viðgjørt tað enn.