Kunnu fara í bretskan sjógv at fiska

Føroysk skip kunnu nú fara í bretskan sjógv at fiska.

Kunngerðin um fiskiskapin kom í gjár.

Føroysk skip, trolarar og línuskip, kunnu fiska 750 tons av svartkalva, 500 tons av blálongu, 400 tons av hýsu, 300 tons av longu og 30 tons av brosmu.

Felags árskvota

1000 tons av rossamakreli verða latin teimum, sum hava loyvi til at fiska heystgýtandi sild í føroyskum sjógvi. 

Í flestu førum er talan um felags árskvotu. Í mesta lagi fýra línuskip kunnu vera til fiskiskap í senn. 

Um fleiri enn fýra skip søkja um fiskiloyvi, fáa fýra skip tríggjar vikur í senn.