Kvinnuligur meiriluti í býráðnum í Reykjavík

Kvinnurnar eru í meiriluta í býráðnum í Reykjavík eftir kommunuvalið í Íslandi leygardagin.

23 fólk eru í býráðnum í høvuðsstaðnum, 13 kvinnur og 10 menn.

Sjálvstæðisflokkurin var størstur á valinum, og sosialdemokratiski flokkurin, Samfylkingin, var næst størstur.

Valluttøkan 61 prosent

Stívliga 100.000 fólk høvdu valrætt í Reykjavík, men bara 61,1 prosent brúktu hann.

Annars hevði Framsóknarflokkurin størstu framgongd í øllum landinum á kommunuvalinum leygardagin.

Hann fekk 22 fólk afturat, og hevur nú 67 bý- ella bygdaráðslimir.

Sjálvstæðisflokkurin fór aftur, men er tó framvegis tann størsti við 110 bý- ella bygdaráðslimum.