Flyta brandskúlan til Klaksvíkar

Enn er ikki greitt, hvar í Klaksvík brandskúlin verður.

Samgongan ætlar at flyta brandskúlan, sum nú er við Áir, til Klaksvíkar.  

Ein arbeiðsbólkur, sum skal arbeiða skjótt, verður í næstum settur at gera tilmæli til Uttanríkis- og  Mentamálaráðið um tilgongd, staðseting, høli, útgerð, brunatrygdarkrøv og annað.

Tað sigur Jenis av Rana, landsstýrismaður, í svari til Elsebeth Mercedis Gunnleygsdóttur, løgtingskvinnu.

Knýttur at Sjónámi

Hann sigur, at Uttanríkis- og Mentamálaráðið hevur oftari enn einaferð tosað við Klaksvíkar kommunu um staðsetingina.

Elsebeth Mercedis Gunnleygsdóttir vónar, at Brandskúlin ikki verður har, sum roykurin frá honum verður ein bági fyri grannar og onnur.   

Jenis av Rana sigur, at mest sannlíkt verður brandskúlin knýttur at Sjónámi, tá hann kemur til Klaksvíkar.  
 

Sjónám, Klaksvík

Brandskúlin verður væntandi knýttur at Sjónámi í Klaksvík.