Fiskadagarnir í tingið seinnapartin í dag

Alfred Olsen, formaður í Vinnunevndini, væntar, at ein samd nevnd fer at skriva undir álitið.

Tað merkir, at uppskotið hjá landsstýrismanninum verður broytt. Jacob Vestergaard mælir til sama dagatal sum í verandi fiskiári.

Sum skilst er samgongan sinnað at skerja dagatalið, so fiskidagatalið næsta fiskiár nærkast tí, sum fiskifrøðin mælir til.

Vinnunevndin fer á fund klokkan eitt at skriva álitið.

Onnur viðgerð og atkvøðugreiðslan verða týsdagin í næstu viku, og triðja viðgerð verður hósdagin.

Fríggjadagin í næstu viku fer Útnorðurráðið til Grønlands at fundast, so eingin tingfundur verður í aðru viku.