Valfundur í Miðnámsskúlanum í Suðuroy klokkan 10

Kringvarp Føroya er í Suðuroy fyrrapartin og sendir valfund beinleiðis. 

Miðnámsskúlin í Suðuroy, sum liggur í Hovi, er karmur um valfundin, sum byrjar nú klokkan 10. 

Allir flokkarnir, ið stilla upp til fólkatingsvalið, eru umboðaðir á valfundinum.

Flokkarnir, sum stilla upp til fólkatingsvalið, eru Fólkaflokkurin (A), Sambandsflokkurin (B), Javnaðarflokkurin (C), Tjóðveldi (E), Framsókn (F) og Miðflokkurin (H). 

Umboðini fyri flokkarnar á valfundinum í Hovi fyrrapartin eru:

Jacob Vestergaard (A), Fólkaflokkurin
Elsebeth Mercedis Gunnleysdóttir (A), Fólkaflokkurin
Erhard Joensen (B), Sambandsflokkurin
Edva Jacobsen (B), Sambandsflokkurin
Henrik Old (C), Javnaðarflokkurin
Bjarni Hammer (C), Javnaðarflokkurin
Høgni Hoydal (E), Tjóðveldi
Sirið Stenberg (E), Tjóðveldi
Ruth Vang (F), Framsókn
Bjarni Kárason Petersen (F), Framsókn
Steffan Klein Poulsen (H), Miðflokkurin. 

Vertir eru Krista Johnsdóttir Kreutzman og Kári Mikkelsen. 

Valfundurin í Hovi byrjar klokkan 10 og verður sendur beinleiðis í útvarpinum og sjónvarpinum, umframt at hann eisini verður stroymdur her á heimasíðuni hjá Kringvarpi Føroya. 

>>STROYMINGIN AV VALFUNDINUM Í SUÐUROY KANN SÍGGJAST HER

Breddin í SMS, Fólkatingsvalið 2022

Skráin fyri valdekningin í Kringvarpi Føroya:

• Týsdag 18. oktober: Valfundur, Miðnám í Suðuroy
• Mikudag 19. oktober: Fólkaflokkurin í Andglettinum
• Hósdag 20. oktober: Valfundur, Miðnám á Kambsdali
• Fríggjadag 21. oktober: Tjóðveldi í Andglettinum
   
• Mánadag 24. oktober: Valfundur, Miðnám í Vestmanna
• Týsdag 25. oktober: Miðflokkurin í Andglettinum
• Mikudag 26. oktober: Valfundur, Tekniski Skúli í Klaksvík
• Hósdag 27. oktober: Sambandsflokkurin í Andglettinum
• Fríggjadag 28. oktober: Valfundur, Glasir í Havn
   
• Sunnudagur 30. oktober: Stórur Valfundur í Løkshøll í Runavík.
   
• Mánadagur 31. oktober: Fólkatingsval í Føroyum