Fólkaflokkurin hevur ongar viðmerkingar fyribils

- Tað skal ikki vera nøkur loyna, at vit eru sera hørm um, at formaður floksins hevur avgjørt at leggja frá sær.

Tað sigur Beinir Johannesen, formaður í tingbólkinum hjá Fólkaflokkinum, í tíðindaskrivi.

Hann sigur, at nú verður farið at viðgera álvarsligu støðuna hjá flokkinum innanhýsis í floksleiðsluni seinni í dag.

- Til tann viðgerðin er liðug, neyðugar avgerðir tiknar og nýggjur floksformaður valdur, hava vit ikki fleiri viðmerkingar til støðuna, sigur Beinir Johannesen.