Føroyar og Grønland størri lut í uttanríkis- og trygdarpolitikkinum

Føroyar og Grønland skulu hava størri lut, tá Danmark ger uttanríkis- og trygdarpolitikkin.

Tað søgdu fólkatingsfólkini úr Føroyum og Grønlandi, tá tey í gjár hittu Mette Frederiksen, sum roynir at gera stjórn í Danmark.

Sambært Jyllands-Posten sigur Anna Falkenberg, at Føroyar og Grønland skulu bæði fyrr og meira upp í avgerðir, sum skulu takast um Norðuratlantshavið, Arktis og um uttanríkis- og trygdarpolitikkin hjá ríkinum.

Hon sigur, at hetta skal vera í ríkisfelagsskapinum, tí vit eru sterkari saman enn hvør sær, sigur Anna Falkenberg.

Sjúrður Skaale sigur við Jyllandsposten, at avgerðirner um Føroyar skulu takast í Føroyum, og ikki uttan um Føroyar.