- Tíðindi, mentan og ítróttur
Komandi felagið hjá Janu Mittún í fíggjarligum trupulleikum
Komandi felagið hjá Janu Mittún í fíggjarligum trupulleikum
Komandi felagið hjá føroyska landsliðsspælaranum, Janu Mittún, Viborg HK, hevur stórt hall annað árið á rað og má útvega neyðuga fígging í desembur
Viborg HK vann seinasta dyst, men hevur trupult við at fóta sær fíggjarliga
Mynd: Ritzau Scanpix
28.11.2022 - 13:18
Komandi felagið hjá føroyska hondbóltslandsliðsspælaranum, Janu Mittún, Viborg HK, hevur góðar tríggjar milliónir í halli í ár, skrivar Viborg Stifts Folkeblad.
Felagið hevur fingið tilsøgn um helvtina av hallinum, men framvegis mangla 1,6 milliónir í.
Nevndarformaðurin í Viborg, Karsten Cronwald, sigur við Viborg Stifts Folkeblad, at støðan er álvarsom og manglandi fíggingin skal fáast til vega í desember. Um tað ikki eydnast, kann felagið ikki fullføra kappingarárið.
- Vit hava ikki seks mánaðir at loysa trupulleikarnar. Vit mugu loysa hetta í desember, sigur Karsten Cronwald.
Nevndarformaðurin væntar, at tað fer at bera til at útvega pengarnar.
Er kopiera
Nýggjastu sendingar í ÚV
Nýggjastu sendingar í SV
