Kunngera uppskot um grønlendska grundlóg í vár

1.apríl verður uppskotið um grønlendska grundlóg kunngjørt.

Tað sigur grønlendska landsstýrið í tíðindaskrivi.

Arbeiðið verður gjørt liðugt uttan teir seks nevndarlimirnar, sum fóru úr nevndini um ársskiftið.

Arbeiðssetningurin hjá grundlógarnevndini var gjørdur í mars 2019.

Evstamarkið flutt fleiri ferðir

Avgerðin um nevndina var tikin longu í 2016.

Fyrsta evstamark hjá nevndini var 21.juni - tjóðardagin - í 2021.

Men korona gjørdi, at tað markið er flutt meira enn einaferð.

Endamálið er, at uppskotið, sum skal leggjast fyri landstingið, skal vera grundlógin hjá einum sjálvstøðugum Grønlandi.