Nógvur svartkjaftur framvegis í føroyskum sjógvi

Sjey skip landa svartkjaft í Fuglafirði í hesari vikuni.

Fagraberg hevur, sambært Havsbrún, 2500 tons, Katrin Jóhanna 1700, Polar Amaroq 2200 tons, Christian í Grótinum 3200 tons, Norðingur 1900 tons, Borgarin 2400 tons og Vestmenningur hevur 1850 tons av svartkjafti.

Nógvur svartkjaftur er framvegis at fáa í føroyskum sjógvi.

Fyri at sleppa undan at bíða í Fuglafirði kunna føroysk skip landa svartkjaft uttanlands til 1.mars, og tann møguleikin verður brúktur.

Til dømis eru nógvar landingar í Íslandi.