SAS hevur framvegis hall

SAS hevur framvegis hall
Fleiri ferðast, men útreiðslurnar hjá flogfelagnum eru vaksnar enn meira
4,5 milliónir fólk ferðaðust við SAS frá november 2022 til og við januar í ár.
 
24.02.2023 - 14:39

Vánaliga fíggjarliga gongdin hjá flogfelagnum SAS heldur fram.

Seinastu tríggjar mánaðirnar - frá november til januar - hevur felagið havt eitt undirskot upp á 2,7 milliardir svenskar krónur - tað svarar til 1,8 milliardir danskar.

Svenska kringvarpið, SVT, skrivar, at talið á ferðandi er vaksið, men útreiðslurnar eru øktar enn meira.

Samanborið við fyrsta ársfjóðing í fjør er talið á ferðandi økt 48 prosent, men samanberingargrundarlagið er eitt sindur svikaligt, tí fyri einum ári síðani ávirkaði koronustøðan framvegis.

Inntøkurnar hjá felagnum eru vaksnar 1,7 milliardir krónur samanborið við fyrstu tríggjar mánaðirnar í farna roknskaparári, men útreiðslurnar vuksu væl meira enn tað.

4,5 milliónir fólk ferðaðust við SAS frá november 2022 til og við januar 2023.
 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Fríggjadag 29. mars
Guðstænasta úr Hvannasunds kirkju
172949
Hósdag 28. mars
Skírhósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584