Credo: Duld eru døpur mein

Í Credo sunnudagin eru Karina Laksáfoss og Sámal Rasmussen gestir. Tey eru foreldur lítlu Ságu, sum doyði bert fimm mánaðar gomul.

Foreldrini vistu ikki, at tey bóru ílegu fyri herviliga "føroyska sjúku", sum Sága fekk. Sjúkugongdin var sera svár og syrgin.

Í dag vilja foreldrini varpa ljós og kunning á tær arvaligu, føroysku sjúkurnar, so myndugleikarnir vakna og gera nakað við hetta.

Kunning og vitan má til og aðalmálið má vera ílegukanning av føroyingum, um tey eru berarar, so tey kunnu taka støðu til sjúkuna, áðrenn barnið er gitið ella borið í heim.

Credo er í útvarpinum sunnudagin kl. 10. Tú finnur eisini nýggjasta á heimasíðu okkara og poddvarpstænastunum.