Neistin varpaði strandingar úr endaspælinum

Neistin hevur varpað StÍF úr hondbóltsendaspælinum og spælt seg í hálvfinalurnar.

Ovi Lutzen og Ísak Vedelsbøl, sum fyrr hevur givið strandingum grá hár á høvdið, gingu á odda við hvør sínum átta málum í 31-30 sigrinum í høllini á Skála.

Neistin kom betur frá byrjan, men so líðandi fylgdust liðini. Síðstu minuttirnar vann útiliðið sær eina lítla leiðslu, men miðskeiðis í øðrum hálvleiki var aftur javnleikur.

Aftur gjørdi Neistin eitt lop, og hóast munurin minkaði niður í eitt mál, eydnaðist ikki strandingunum at javna, hóast tað var nær við.

Í hálvfinaluni skal Neistin spæla ímóti antin VÍF ella H71.