Kunnu bara umskipa fisk, sum er avtalaður í fiskiveiðisáttmálanum

Kunnu bara umskipa fisk, sum er avtalaður í fiskiveiðisáttmálanum
Møguleikarnir hjá russiskum skipum at keypa tænastur verða nógv skerdir, men støða verður ikki tikin til fiskiveiðisamstarvið fyrr enn í heyst
Landsstýrið helt tíðindafund uttandura í góðveðrinum á Viðareiði fyrrapartin. Frá vinstru: Høgni Hoydal, landsstýrismaður, Aksel V. Johannesen, løgmaður, og Ruth Vang, landsstýriskvinna.
Mynd: Alexander Gaard  
 
01.06.2023 - 12:54

Av tí at nógvar útlendskar havnir eru stongdar fyri russiskum skipum, umskipa russisk skip ikki minni enn 400.000 tons av fiski í føroyskum havnum.

Hetta skal nú halda uppat, og russisk skip sleppa bara at umskipa fisk í føroyskum havnum, sum tey kunnu fiska eftir í føroyskum sjógvi sambært fiskirættindavataluni millum Føroyar og Russland.

Tað ber í sær, at umskipingin minkar niður í 100.000 tons, ella ein fjórðing av tí, sum russisku skipini umskipa í løtuni. 

Haraftrat verða møguleikarnir hjá russiskum skipum at keypa tænastur í Føroyum nógv avmarkaðir. Skipini kunnu framvegis keypa olju og proviant, men kunnu ikki fáa umvælingar gjørdar.

Fiskiveiðisáttmálin við russar fyri 2023 heldur fram, men hvussu fiskiveiðisamstarvið skal verða næsta ár, verður støða ikki tikin til fyrr enn í heyst, væntandi í september.

Tað kom fram á tíðindafundi, sum landsstýrið skipaði fyri á Viðareiði fyrrapartin um tiltøk móti Russlandi.

Hoyr innslag í útvarpstíðindunum:

 

0 seconds of 0 secondsVolume 90%
Press shift question mark to access a list of keyboard shortcuts
00:00
00:00
00:00
 

 

Løgtingið viðger í løtuni málið um tiltøk móti Russlandi. Sí tingfundin her.

 

Alexander Gaard tók myndirnar:

 

 

Er kopiera
Nýggjastu sendingar í ÚV
Fríggjadag 4. apríl
Vikuskiftið 4 apríl 2025
190276
Fríggjadag 4. apríl
Breddin: Suðuroyartunnilin
190254
Fríggjadag 4. apríl
Morgunlestur fríggjadagur 4.apríl 2025
189979
Hósdag 3. apríl
RagnarRokk 3.apríl 2025
189927
Nýggjastu sendingar í SV
Fríggjadag 4. apríl
Veðrið
190275
Fríggjadag 4. apríl
KAKUMiKS (2:7)
190170
Fríggjadag 4. apríl
Dagur og vika - teknmálstulkað
190243
Hósdag 3. apríl
Dagur og vika - teknmálstulkað
190208
Hósdag 3. apríl
Dagur og vika - teknmálstulkað
190180