Trý nýggj kommunulæknastørv

Søkt verður nú eftir trimum kommunulæknum afturat teimum, sum eru.

Løgtingið hevur latið pengar til trý nýggj kommunulæknastørv.

Eitt starv er í Berjabrekku, har fimm viðtaluhøli nú vera gjørd og skulu vera liðug 1. oktober.

Tríggir læknar skulu flyta úr Miðlon í Berjabrekku og ein av Frúutrøð. 

Og so skal nýggi læknin vera har eisini.

1200 fólk í høvuðsstaðnum hava ikki fastan kommunulækna.

Ein lækni skal vera aftrat í Klaksvík, og ein skal vera aftrat í Fuglafirði og Gøtu.

Har eru viðtaluhøli.

Heilsutrygd søkir eisini eftir sjey læknum í verandi størv.