Fyrsta føroyska HM-heiðursmerki í gongulagskapping fyri íslendsk ross

Fyri fyrstu ferð hava Føroyar vunnið eitt heiðursmerki í HM í gongulagskapping fyri íslendsk ross. 

Hetta hendi leygardagin, tá Rakel Brattalíð Tindskarð gjørdist silvurvinnari í tøltkappingini, T1, fyri ung.

Rakel Brattalíð Tindskarð

Hetta er fyrstu ferð, at 19 ára gamla Rakel Brattalíð Tindskarð luttekur í HM í gonguløgum. 

Unga reiðkvinnan hevur vant miðvíst fram ímóti kappingini, og hetta gav úrslit, skrivar Ríðisamband Føroya í tíðindaskrivi.

Í innleiðandi kappingini, T1, fyri ung endaðu Rakel Brattalíð tindskarð og hesturin Sílas vom Forstwald á triðja plássi við miðalkarakterinum 7,00 og tryggjaðu sær pláss í A-finaluni.

Kappingin endaði sunnudagin, og føroysku luttakararnir eru í løtuni á veg heim aftur.