Smágrót datt undan loftinum í Vágatunlinum

Bilførarin, sum boðaði frá, koyrdi ígjøgnum tunnilin og varð knappliga noyddur at snara undan, tí grót datt undan loftinum.

Talan var um 3-4 steinar, sum vóru á stødd við ein neva.

Vágatunnilin varð tí stongdur alt fyri eitt. 

Hálvan tíma seinni hevði Landsverk verið í tunnlinum og ruddað grótið. Enn veit løgreglan ikki meira at siga um, júst hvat tað var, sum hendi, ella hví grót datt undan loftinum.