Jarðskjálvti í Afganistan

Jarðskjálvtin, sum varð mátaður at vera 6,3 á Richterstiganum har vesturi í landinum hevur kravt 15 mannalív og 78 fólk eru løstað.

Jarðskjálvtin rakti nakrar 40 kilometrar úr býnum Herat, og 120 kilometrar frá markinum til Iran, klokkan 11.00 lokala tíð.

Fleiri bygningar vórðu oyðilagdir og fólk vórðu fangað undir húsaleivdunum, siga afganskir myndugleikar.

Í minsta lagi tríggjar stórar eftirristingar vóru.

Herat, har jarðskjálvtin rakti verður sagdur at vera mentanarhøvuðsstaðurin í Afganistan. Tað verður mett at 1,9 milliónir fólk búgva í økinum, sambært data frá 2019 hjá Heimsbankanum