Fyri fyrstu ferð doyðu flestu danir av KOL

Danska Lungnafelagið hevur hagtøl frá skrásetingini av andlátum og kann við teimum staðfesta, at 3.570 danir doyðu av lungnasjúkuni KOL í 2021.

Tað merkir, at seks prosent av øllum andlátum tað árið vóru orsakað av KOL, og at hvønn dag doyggja 10 fólk av sjúkuni.

KOL er stytting fyri kroniska obstruktiva lungnasjúku.

Sambært serfrøðingum eru 85 prosent av tilburðunum orsakað av royking, og vanligastu sjúkueyðkennini eru trongd, hosti og at tað hvínur, tá ið tú andar.

Mett verður, at umleið 400.000 danir líða av KOL, men bert helvtin hevur fingið staðfest sjúkuna, skrivar NTB.

Sambært Heilsulýsingini hjá Landslæknanum í Føroyum doyðu í 2020 18 menn og 25 kvinnur av sjúkum í andingargøgnum. 

Lars Fodgaard Møller, landslækni, sigur, at 'sjúka í andingargøgnum' fevnir í mestan mun um KOL. 

í 2019 doyðu 21 kvinnur og 22 menn av sjúku í andingargøgnum, vísur yvirlit í Heilsulýsingini.