- Tíðindi, mentan og ítróttur
EM-hópurin er klárur
Landsliðsvenjararnir, Peter Bredsdorff-Larsen og Julian Johansen, hava úttikið teir 18 spælararnar, sum skulu umboða Føroyar í søguliga EM-endaspælinum í Týsklandi í januar, skrivar Hondbóltssambandið.
Helgi Hildarson Hoydal meiddi sær albogan fyri kortum, og strikuspælarin verður tí ikki við í føroyska hópinum. Bjarni í Selvindi, sum var við til venjingardystirnar ímóti Íslandi, hevur mist plássið, meðan Ísak Vedelsbøl fær eitt av trimum plássum á strikuni.
Av teimum 18 spælarunum er tað bert Ísak Vedelsbøl, sum spælir hondbólt í heimligu kappingini. 16 spælarar eru við til hvønn dyst.
Føroyska liðið hevur eina styttri samling millum jól og nýggjár. Síðan savnast liðið aftur til venjingar 1. januar í Havn og er saman fram til EM-endaspælið. Føroyar spæla venjingardystir móti Belgia í Høllini á Hálsi fríggjadagin 5. januar og leygardagin 6. januar, báðar dagarnar klokkan 19.30.
Føroyar byrja sjálvt endaspælið við dysti ímóti Slovenia hósdagin 11. januar. Tveir dagar seinni er Norra á skránni, áðrenn bólkaspælið endar við dysti ímóti Póllandi 15. januar.
Føroyski EM-hópurin
Málverjar:
Pauli Jacobsen, HØJ Elite (DEN)
Nicholas Satchwell, Viking TIF (NOR)
Bakkar:
Tróndur Mikkelsen, Kristiansand Topphåndbold (NOR)
Rói Ellefsen á Skipagøtu, IF Hallby HK (SWE)
Jónas Gunnarsson Djurhuus, FIF Håndbold (DEN)
Pauli Mittún, Team Sydhavsøerne (DEN)
Óli Mittún, IK Sävehof (SWE)
Elias Ellefsen á Skipagøtu, THW Kiel (GER)
Vilhelm Poulsen, Lemvig-Thyborøn, (DEN)
Kjartan Johansen, Bækkelaget, (NOR)
Peter Krogh, Aarhus HC (DEN)
Vengur:
Rói Berg Hansen, HØJ Elite (DEN)
Leivur Mortensen, FIF Håndbold (DEN)
Hákun West av Teigum, Füchse Berlin, (GER)
Allan Norðberg, Valur (ISL)
Strikur:
Teis Horn Rasmussen, Aarhus HC (DEN)
Pætur Mikkjalsson, IF Hallby HK (SWE)
Ísak Vedelsbøl, H71
