Netanyahu heitir á Hamas um at geva seg yvir

Ísraelski forsætisráðharrin, Benjamin Netanyahu, heitir á Hamas um at geva seg upp í hendurnar á Ísrael. 

Hann sigur, at dagarnir hjá Hamas eru um at vera taldir.

- Kríggið er framvegis, men hetta er byrjanin til endan hjá Hamas. Eg sigi við Hamas-yvirgangsfólkini: - Tað er liðugt. Ikki doyggja fyri Sinwar. Kastið frá tykkum, sigur Netanyahu.

Yahya Sinwar er ovasti leiðari hjá Hamas í Gasageiranum.

Fráboðanin kom stutt eftir, at Hamas staðfesti, at eingir gíslar sleppa úr Gasa á lívi, uttan at krøvini hjá palestinum eru eftirlíkað. 

Høvuðskravið hjá Hamas er, at Ísrael letur leysar allar palestinar, sum sita í ísraelskum fongsli.