Uppskot um Brekumboð komið í løgtingið

Um stívliga eitt ár, 1.januar í 2025, kemur Brekumboðið.

Sirið Stenberg, landsstýriskvinna, bar løgtinginum lógaruppskotið í gjár.

Í 2019 samtykti løgtingið at taka undir við breksáttmálanum hjá Sameindu tjóðum.

Føroyar hava tí altjóða skyldu til at seta á stovn eftirlit á brekøkinum.

Serfrøðinganevndirnar hjá ST hava ofta gjørt vart við, at Føroyar ikki hava óheft eftirlit á  mannarættindaøkinum, millum annað brekøkinum.  

Ikki kærustovnur

Brekumboðið verður ikki ein kærustovnur.   

Men Brekumboðið skal vísa á, hvørjir kærumøguleikar eru.

Brekumboðið fer at kosta tvær mió.kr. um árið. 

Brekumboðið skal hava stjóra og samskipara.