Helgi kallaður inn í EM-hópin

Tá føroyska EM-landsliðshópurin varð tikin út fyrst í desember, var Helgi Hildarson Hoydal ikki á listanum, men nú skal sterki strikuspælarin til Týsklands kortini.

Fleiri spælarar dragast við smærri skaðar, og tí hava venjararnir gjørt av, at Helgi Hildarson Hoydal verður 19. maðurin í føroyska hópinum, skrivar Hondbóltssambandið.

Helgi Hildarson Hoydal breyt albogan fyrr í heyst, og skaðin var helst orsøkin til, at hann ikki var úttikin í fyrstu syftu. Hann spældi kortini tveir dystir fyri Kristiansand fyri jólasteðgin uttan trupulleikar. 

Peter Krogh og Óli Mittún hava báðir beklað - Óli Mittún so seint sum 2. jóladag - men nógv bendir á, at teir báðir vera til reiðar 11. januar, tá Føroyar og Slovenia bresta saman í Berlin. Tveir dagar seinni spæla Føroyar og Norra, og 15. januar er seinastu dysturin í bólkaspælinum á skránni. Hann verður ímóti Póllandi.