5000 føroyingar í hugburðskanning

Í alt 5000 føroyingar, sum eru millum 18-45 ár, hava fingið tilboð um at vera við í hugburðskanning, sum heilsugranskingareindin í Sjúkrahúsverkinum stendur fyri saman við áhugafelagnum Arvasjúkan. 

Endamálið við hugburðskanningini er at kanna hvønn hugburð føroyingar í burðarførum aldri hava til spurningin um berarakanningar fyri álvarsligar ílegusjúkur. 

Somuleiðis er endamálið at kanna, um føroyingar eru áhugaðir í, at eitt alment kanningartilboð skal bjóðast fyri hesar ílegusjúkur, sum koma lutfalsliga ofta í Føroyum. 

Umleið 20 prosent av føroyingum hava ávísar feilir í sínum ílegum, sum kunnu føra til álvarsligar og ólekjandi ílegusjúkur, um tveir berarar fáa børn saman.