Sama aldursmark

Aldursmarkið í uppskotinum um nýggja fosturtøkulóg er tað sama, sum er galdandi nú.

Tað er 18 ár.

Hildið verður fast um meginregluna, sum er, at tann ella tey, sum hava foreldramyndugleikan, 
skulu geva samtykki til fosturtøku, um kvinnan er undir 18 ár.

Tó kunnu vera støður, har umstøðurnar avgerandi tala ímóti at krevja samtykki frá foreldramyndugleikanum, til dømis, um kvinnan er vorðin við barn við blóðskemd.

Ein onnur orsøk er, at tað fer at fáa álvarsligar avleiðingar fyri kvinnuna, um foreldramyndugleikin fær at vita, at hon er við barn. 

Útreiðslur

Mett verður at lógin fer at kosta landskassanum 150.000 krónur.

Kunnast skal um lógina.

Og fólkini í samráðnum skulu hava samsýning. Avgerðirnar hjá samráðnum kunnu kærast til Kærustovnin.

Tey sakkønu har skulu eisini hava samsýning.

Sambært uppskotinum skal fosturtøkulógin koma í gildi 1.juli í ár.