Kanning: Biden er ov gamal at vera forseti

Átta av 10 spurdum halda, at Joe Biden er ov gamal at røkja forsetaembætið í USA.

Tíðindastovan Reuters og greiningarstovnurin Ipsos hava gjørt kanningina, og 1.237 fólk í USA eru spurd, skrivar danska kringvarpið. 

Joe Biden er elsti forseti í USA. Hann er 81 ára gamal.

Av demokratiskum veljarum, sum eru spurdir í kanningini, svara sjey av 10, at hann er ov gamal at standa á odda fyri einari stjórn.

Alt bendir á, at fyrrverandi republikanski forsetin, Donald Trump, fer at bjóða Joe Biden av á forsetavalinum í heyst.

Hóast Trump bara er fýra ár yngri enn Biden, stendur hann seg betur í kanningini. Annarhvør av teimum spurdu heldur, at Trump er ov gamal at vera forseti.

Kanningin var gjørd 9. februar, og óvissan er trý prosenstig hvønn vegin.