Mentanarnevndin viðger kringvarpsgjaldið í dag

Mentanarnevndin hjá løgtinginum fer í dag at viðgera uppskotið um at hækka og prístalsviðgera kringvarpsgjaldið.

Sjey innkallingar eru gjørdar.

Ráð teirra lesandi, Vinnuhúsið, Landsfelag pensjónista, Føroysk miðlafólk, leiðslan í Kringvarpinum, Kringvarpsstýrið og landsstýriskvinnan í mentamálum hava fingið fundarboð.

Sirið Stenberg, landsstýriskvinna, hevur eisini lagt fram frágreiðing um public service sáttmálan millum Kringvarpið og Almanna- og Mentamálaráðið.

Aðalorðaskiftið um hann verður í morgin.

Sáttmálin skal vera galdandi frá 1. apríl í ár til 31. mars 2028.

Eingin undirskrivaður public service sáttmáli hevur verið seinastu árini.

Seinasti sáttmálin var frá 2017 til 2020.